Featured articles

ඇදුරුතුමියයි ප්‍රේමයේ? ඇදුරුතුමියයි යෞවනේ?

අතින් අල්ලන් ඇවිදින්

මුළු කටු ගේ පුරාම

රිදුනත් කිව්වෙ නැත්තේ

අඳුනා ගත්ත මුළ දවස් නිසාම.

177 බස් එකේ

හරියටම තුන් වෙනි පඩියටත් නැග්ගට පසුව

කිව්වා ඔබ යනවා කියලා එංගලන්තෙට

හිතන්නට බැරුව කිසිවක්

ඔළුව වැනුව විතරයි මම.

එහේ හිටපු මාස කීපය අතරතුර

ඔබ එවපු ලිවුමත්

එනකොට අරන් ආ පෑනත් (පස්සෙ කාලෙක කසාදෙට අපි sign කළ)නොවේ

මට මතක

කටුගේත් මහජන පුස්ථකාලේත් අතරෙදි

කොහේ හරි ඒ තිබ්බ නුග ගහ

ඒ තැන

රතු වෙච්ච මගේ අත නුඹ අත හැරිය

රිදුණු බව නොදැන.

There are stupid questions

I had two questions
About a flower
Name? “It’s a Lilac”
The color?
I didn’t ask.

You insist
“The next question?”
Would it bring peace to you if I asked
Or would it be just stupid or for the sake of us; our harmonic progression,
Should we discuss how flowers get color from pigments.

When the first had answered all other questions; we must stop pretending; leave room for thinking.

So, “I stood / Among them, but not of them; in a shroud /
Of thoughts which were not their thoughts.”

Then I remember that he (Lord Byron) also said:
“There are four questions of value in life, Don Octavio.
The answer to each is the same.
Only love.”

සාංකාව

මීදුම එකතු වී ඇත

පළිඟු අළු බඳුනක.

මිටි තැනිතලා

හඬයි ගංගාවල්

සාදයේ ගී වල.

උස කඳු පෙඟෙයි

ඒත් ඇස් දිළිසෙයි

සතුට දුක සැඟවීම.

හැම සති අගම

මිතුරන් සොයන්නේ ඒකයි

මිතුරන්ව.

කල්පනා

උදෑසන නොදමා උපැස් යුවල

කැඩපතේ දකින්නේ කවුරුන්ද

සදාකාලික අන්ධ මම?

තරහ බව නොකී කෙනෙකුට

ලියන්නේ කොහොමද වස් කවි

හොඳින් ඇති යැයි පතනු මිස

හැම ගහම වැසී ඇති විට

යුතු ලෙසම හිමි මල් පල තුරුළ

සහන එන පවනක මා වෙත ද?

කප කපා යට කරන තෘණ පෙති වෙනුවෙන්ද?

දැකුම තහනම් කර

වචන පමණක් නම් අනුමත

ප්‍රේමයමැයි හිත හිත ලතැවෙන්න

කාරණා ඇති ඇතිවෙන්න.

නැවැතෙමි සිතමි

යන්තම් මීදුම පාත් වෙන දවස් ඇත

පාළම උඩ; වාහනය නවත්වන්නට අවසර නොමැති තැනදිම

පහන් කණුවක එළියෙන් පෙනේ

දැන් දියවෙන්න අරගත්

ගඟේ ලස්සන.

වේගයෙන් පදවන විට- ඒ වෙලාවට

පොලිසියත් ඇති හිතමින්

ජීවිතේ ගැන.

රේඩියෝවේ ආදර ගීත තීරෙන්

බිරිඳක් ඉල්ලයි ලොවේ සොඳුරුම ගීය

කිසි දින ගතු නොකී සැමියා සිහි කරන්නට

ඊලඟ මීදුමේ රෑ මැද

නැවැතෙමි සිතමි මොහොතක

බලන්නට සිරි

වරක් පමණක්

ගලන ගඟ තුළ.